Габишевода кәбестә кичәсендә кәбестә тозланганнар

Мәдәни-спорт үзәге директоры Гөлнара Яруллина сөйли.

— «Без кәбестәне ничек әзерли идек»  дип аталган кәбестә кичәсе бик җылы һәм дуслык атмосферасында үтте.Без элек ничек урып-җыюдан соң кәбестә кичәләренә җыелып, кышка әзерлек үткәрүләр турында сөйләдек.

Элек хуҗалар кызларны кичәләргә кышка кәбестә кисәргә ярдәм итәргә чакырганнар. Кәбестәне берьюлы берничә гаиләгә тураганнар. Егетләр чакырусыз үзләре кергәннәр. Алар үзләре белән гармун, балалайкалар алып килгәннәр һәм барысын да шаяртып күңел ачканнар. 

Кичәдә кәбестәне турап тозладылар, кәбестәдән ясалган ризык рецептлары белән дә уртаклаштылар. Һәм болар барысы да  җырлар, сөйләшүләр, кәбестә кабартмалары белән тәмле чәйләр  эчеп узды.