«Г.Камалны укыйбыз»: Ул язган юллар — һәр йөрәкнең түрендә

 Сокуры авылы китапханәсе проектта катнашуын дәвам итә.. Сезнең игътибарга — Сиринә Трофимова башкаруында Галиәсгар Камалның үткен телле, мәгънәле «Спекулянтка» шигыре.

 Сезне дә бу иҗади агымга кушылырга чакырабыз!«Ул язган юллар янәшәдә яши» онлайн-эстафетасы — бу бары бәйге генә түгел, бу безнең милли горурлыгыбызга, татар театрының "атасы«на күрсәтелгән хөрмәтебез. Мәктәп укучысы булсагыз да, студент яисә мәдәният хезмәткәреме — Камал дөньясы һәркем өчен ачык!
Катнашу өчен нишләргә?
Г. Камалның әсәрләреннән (шигырь яисә пьесаларыннан) үзегезгә якын өзекне сайлагыз.
Аны камерага (видеога) төшерегез — сәнгатьле уку яисә кечкенә сәхнәләштерү булырга мөмкин.
Видеоны безнең электрон адреска юллагыз: novayakama@yandex.ru.
Хатның темасына «Г. Камалны укыйбыз» дип язарга онытмагыз.
Хатта түбәндәге мәгълүматны күрсәтү мәҗбүри:
 Әсәрнең исеме;
 Башкаручының исеме һәм фамилиясе;
 Торак пункт (авыл/шәһәр);
 Видео авторының исеме.
Камал — ул театр фасадындагы алтын хәрефләр генә түгел. Камал — ул безнең тере тавышыбыз, үткен телебез һәм бай тарихыбыз. Аның сүзләре безнең аша кабат яңгырарга тиеш!
Кушылыгыз! Без сезнең иҗади видеоларны көтәбез!