Кәгазьдәге сәнгать һәм күңелдәге яз: Шәфкатьлелек Орденында Кызыл тау бәйрәме һәм күргәзмә узды

     Лаешның 2нче урта мәктәбенең 9 сыйныф укучысы Елена Денисова филей техникасында башкарылган эшләнмәләрен, шулай ук картоннан ясалган миниатюр «Театр», «Колизей» һәм эшләүче механизмы булган «Карусель» үрнәкләрен тәкъдим итте. Күргәзмәдә Еленаның Азия мәдәнияте белән кызыксынуын чагылдырган майлы буяу, акрил һәм пастель белән ясалган рәсемнәре дә урын алды. Алар арасында — кытай фонаригы һәм япон 3D-композициясе. Иң зур хезмәте — ике ай буе ясалган «Фәрештә» скульптурасы. «Минем өчен бу шөгыль — музыкадан бушаган вакытта үзенә күрә бер медитация төре», — дип уртаклашты яшь оста. Шәфкатьлелек Ордены рәисе Зөһрә Лезина Еленага шәхси күргәзмәсе өчен диплом тапшырды.
Күргәзмә белән беррәттән, биредә Кызыл тау бәйрәме дә гөрләде. Алып баручы Ольга Никифорова бәйрәмнең тарихы һәм йолалары турында сөйләде. Чарада катнашучы якшәмбе мәктәбе балалары һәм Юлия ханым өчен кызыклы уеннар оештырылды. Шулай ук Елена Садовникова җитәкчелегендәге «Берегиня» балалар фольклор ансамбле үзенең чыгышы белән сөендерде. Анастасия Мартемьянова, Мәрьям Махиянова һәм якшәмбе мәктәбе шәкертләре матур шигырьләр сөйләделәр.