Лаеш гимназистлары язны каршыладылар

Тансылу Вафина фотосы.

Бәйрәм язгы көн белән төн тигезләшкән көнгә туры килә һәм кырык  Севастийский газап чигүчеләрен искә алу көне белән бәйле. Бу көнне кошлар җылы яклардан кайталар һәм, гадәттәгечә, яз каршылау башлана.

Авдотья-Плющиха, кошлар сайравы астында, чарада катнашучыларны бәйрәм тарихы, традицияләре һәм гореф-гадәтләре белән таныштырды. Һәр бәйрәм халык сынамышлары һәм уеннары белән дан тота.

Авдотья балаларны яз билгеләре белән дә таныштырды: “Кырык газап чигүчегә - кырык кош очып килә”, “Сыерчыкны күрдеңме – бел: яз баскыч төбендә” һ. б.

Яз анасының бәйрәмгә көянтәне ике төрле төстәге чиләк белән күтәреп килүе бик символик иде. Бер чиләк төн, икенчесе көн символын аңлата. Шулай итеп язгы көн белән төн тигезләште, аның башлануы белән балалар шигырьләр укыдылар, табышмаклар чиштеләр, “Ручеек”, “Золотые ворота”, “Жаворонки” рус халык уеннары уйнадылар.

Башка бәйрәмнәрдәге кебек үк, бу көнне Русьта камырдан төрле әйберләр пешергәннәр. Бу көннең төп символы - тургай. Тургай фигураларын татлы һәм хуш исле бал белән майлап, түгәрәккә урнаштырып,  табигатьне мактап җырлар җырлаганнар.

Лаешның 1нче гимназиясенең 5 " А " сыйныф укучылары осталык сәгатендә оригами техникасында тургай ясауда катнаштылар һәм борынгы гадәт буенча кошларны агач ботакларына утырттылар.

Чара ахырында Яз анасы һәм Авдотья-Плющиха балаларны фигуралы печенье белән сыйладылар.