Лаеш китапханәсендә Әниләр көненә багышланган чара узды

Ноябрьнең соңгы якшәмбесендә Әниләр көнен билгеләп үтү инде яхшы традициягә әверелде. Бу көнне кешеләр ана хезмәтенә һәм үз балалары өчен аналарның риясыз корбанына хөрмәт күрсәтәләр. 

Бу бәйрәмнең мәңгелек булуына бәхәс юк. Буыннан-буынга һәр кеше өчен әни — тормышның иң төп кешесе.

Әни булгач, хатын-кыз үзендә иң яхшы сыйфатларны ача: игелек, мәхәббәт, кайгырту һәм сабырлык. Әниләр көне — җылы бәйрәм, йөрәк җылысы бәйрәме. 

Бу искиткеч датага үзәк китапханә хезмәткәрләре «Әни — изге исем» бәйрәм чарасын әзерләгәннәр.