Лаеш районында «Заман» блогинг мәктәбе узды

Катнашучыларны алда блогосфераның актуаль мәсьәләләренә багышланган дүрт көн көтте. Программаның төп темалары: аудитория алдында чыгыш ясау, камерага эшләү, видео — һәм фотога төшерү нигезләре, видеоклиплар өчен сценарийлар язу, шәхси бренд өстендә эшләү.

Сәламләү сүзләре белән ТР Яшьләр эшләре министры Ринат Садыйков, Татарларның федераль милли-мәдәни автономиясе башкарма директоры Миләүшә Шәрәпова һәм «Идел» яшьләр үзәге директоры Наилә Галиева чыгыш ясадылар.

Аннары блогер Азат Кашапов белән очрашу узды. Очрашу вакытында балалар үзләрен кызыксындырган сорауларны бирделәр. Ул блогинг өлкәсендә шәхси тәҗрибәсе һәм киңәшләре белән уртаклашты, бу катнашучыларны тагын да кызыксындырды. Шулай ук багланышларга тренинг узды, һәм видеоклиплар булдыру буенча практик эш оештырылды. Аны «Түбәтәй» компаниясендә блогерлар белән эшләү буенча менеджер Таңчулпан Хафизова үткәрде.
Тренинглар күңелле һәм иркен атмосферада узды.