Лаеш районының ике авыл җирлегендә яңа җитәкчеләр билгеләнде

  Александровка авыл җирлеге башлыгы вәкаләтләрен вакытлыча башкаручы итеп Евгения Саушина билгеләнде. Моннан алда Евгения Александровна «Бердәм Россия» сәяси партиясе Татарстан региональ бүлекчәсенең Лаеш җирле бүлекчәсе башкарма секретаре булып эшләде.
Олы Кабан авыл җирлеге башлыгы вәкаләтләрен вакытлыча башкаручы итеп Эмиль Мөхәммәткулов билгеләнде. Эмиль Ринат улы элек Россия Федераль казначылыгының Татарстан Республикасы буенча идарәсендә хезмәт иткән, шулай ук шәхси предприятиедә генераль директорның финанс-икътисади контроль буенча урынбасары вазыйфасын башкарган.
Яңа җитәкчеләргә авыл җирлекләрен үстерүдә һәм халык иминлеге юлында уңышлы эшчәнлек телибез!