Лаеш укучылары «Тукай әкиятләре илендә» булдылар

Чара кысаларында катнашучылар язучының тормыш һәм иҗат битләре белән таныштылар, аның өлешенә шактый кыенлыклар һәм сынаулар төште. Шушындый кыска гомерендә — нибары 27 ел эчендә ул бай мирас калдырган: шигырьләр, әкиятләр, поэмалар. Аларда берничә буын бала тәрбияләнгән.

Чарада катнашучылар үзләренең иҗади сәләтләре белән Габдулла Тукайның «Кызыклы шәкерт» шигырен сәхнәләштерделәр, анда шаян песи Акбай уйнады.

Балалар белән очрашуга Бикә әби ашыкты, ул балаларның Тукай иҗатын белүләрен уеннар, конкурслар, викториналар ярдәмендә тикшерде. Чарада катнашучыларга Бикә әбинең тылсымлы сандыгында сакланган шагыйрь әкиятләрендәге әйберләрнең хуҗасын танырга тәкъдим ителде. «Түбәтәй» музыкаль уены, «Капчык киеп йөгерү», «Кашык белән йөгерү», «Аркан тартыш» хәрәкәтчән уеннары, «Әкиятне бел» уены чарада катнашучыларга бик күп уңай эмоцияләр бирде. Балалар шулай ук бөек шагыйрь исеме белән бәйле тарихи һәм истәлекле урыннар белән таныштылар.

Чара азагында балалар Тукай иҗаты буенча белемнәрен тикшерделәр, әдәби викторина сорауларына җавап бирделәр. Аннары балалар һәм өлкәннәр Габдулла Тукай шигырьләренә язылган һәм татар халкының гимнына әверелгән «Туган тел» җырын башкардылар.

Фото: Надежда Бурмистрова