Лаешта шәҗәрә фестивале: муниципаль этапта җиңүчеләр билгеләнде
Лаеш шәһәренең район мәдәният йортында «Тарихта без эзлебез — Эхо веков в истории семьи» фестиваль-конкурсының муниципаль этабы узды.
Татарстан Республикасы архив эше буенча Дәүләт комитеты оештырган чарага өч гаилә җыелды, алар үзләренең нәсел тарихларын, иҗади сәләтләрен һәм кулинария традицияләрен күрсәттеләр.
Фестивальнең максаты
Фестивальнең төп максаты -буыннар дәвамчанлыгын саклап калу, гаилә багланышларын ныгыту, үз нәселенең һәм халыкның тарихын өйрәнү, милли традицияләрне торгызу һәм гаилә иҗатына ярдәм итү.
Этапта җиңүчеләр
Жюри визит карточкаларын, әзерләнгән ризыкларны, катнашучыларның чыгышларын һәм аларның видеопрезентацияләрен бәяләде.
Өченче урынны Лаеш шәһәреннән Шастиннар — Семеновлар гаиләсе алды. Аларга 30 мең сумлык сертификат тапшырылды.
Икенче урынны һәм 40 мең сумлык сертификатны Атабай авылыннан Насыйровлар гаиләсе яулады.
Фестиваль этабында җиңүчеләр һәм 50 мең сумлык сертификат ияләре булып Урта Девятоводан Вершининнар гаиләсе танылды. Алар конкурсның киләсе этабында безнең Лаеш районын тәкъдим итәчәкләр.
Катнашучыларны котлыйбыз!
Аларга киләчәктә дә иҗади уңышлар һәм тату гаиләләренең барлык әгъзаларының ныклы гаилә кыйммәтләрен саклауларын телибез!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев