Олы Кабан авылы биючеләре

Казанда 2025 елның 28-30 августында «Казан сөлгесе-2025» Халыкара халык җыр-бию сәнгате фестиваль-конкурсы уза.
2011 елда Олы Кабан авыл мәдәният йортының «Надежда» һәвәскәр хореография коллективы (җитәкчесе Надежда Малышева) әлеге фестивальдә беренче тапкыр катнашып 65 яшьтән 75 яшькә кадәрге төркемдә 1 дәрәҗә лауреат булган иде инде. 
2025 елда Лаеш районын яңадан «Надежда» тәкъдим итте. Олы Кабан биючеләре «23 яшь һәм өлкәнрәк» яшь төркемендә «Елга буенда»татар биюен күрсәттеләр.

Артистларыбызның җитди әзерлеге һәм таланты коллективның икенче премия лауреаты дипломын алуына китерде.

Белешмә өчен:
2019 елдан Казан рәсми рәвештә «ЮНЕСКО музыка шәһәре» дигән мактаулы исем йөртә, һәм бу статуста 2020 елдан бирле биредә «Казан сөлгесе» Халыкара фестиваль-конкурсы уза. 
Әлеге проект уникаль милли сәнгатьне — җыр һәм бию иҗатын саклап калуга һәм популярлаштыруга, шулай ук сәләтле башкаручыларны эзләүгә һәм һәрьяклап ярдәм итүгә юнәлдерелгән. 
Фестивальнең символикасы тирән милли: оста итеп чигү белән бизәлгән ап-ак казан сөлгесе, ул татар халкы өчен күңел һәм уй-фикерләрнең сафлыгын гәүдәләндерә. Бу шулай ук иң әһәмиятле һәм яраткан халык бәйрәме — Сабантуйның төп атрибуты.
«Казан сөлгесе» нең иң мөһим үзенчәлеге — аның ачык һәм инклюзив булуы. Конкурс программасында бертигез дәрәҗәдә үзешчән коллективлар һәм танылган профессионаллар, студентлар һәм иҗат вузларын тәмамлаучылар чыгыш ясый. Фестиваль яшь чикләрен дә бетерә, яшь талантларга да, тәҗрибәле артистларга да сәхнә бирә.
«Камская новь» газетасы редакциясе Олы Кабан мәдәният йорты коллективын котлый һәм киләчәктә дә иҗади уңышлар тели.