“Ромашка” балалар бакчасы китаплары Ярославль һәм Чабаксарга китте

Менә инде 11 ел, 2012 елдан башлап, 14 февральдә Халыкара китаплар бүләк итү көне билгеләп үтелә.

Бу көн китап укырга яратучыларны, китап бүләк итүчеләрне  берләштерә һәм китап укуны яратырга өйрәтә. Бу кагәзь китап  укырга яратучылар бәйрәме. Хәзерге заманның төрле гаджетларына карамастан, кәгазь китабы әле дә актуаль. Бүләккә яхшы китап бүләк итсәләр һәрвакыт күңелле.

Сокуры “Ромашка” балалар бакчасы да Китап бүләк итү бәйрәменә кушылды. “Грушки” төркеме “Вишеньки " төркеменә китап бүләк иттеләр һәм “Апельсинки” төркеме белән бүләкләр алмаштылар.

- Без “Книговорот дружбы" Бөтенроссия марафонында катнашабыз!,- диләр тәрбияүчеләр. - Безнең барлык яшь төркемнәрендәге балаларыбыз яңа дусларына хат яздылар һәм аларга бүләккә китап әзерләделәр. Жирәбә үтте, без кемгә китап җибәрәсе балалар бакчалары билгеләнде. “Грушки” төркеменнән башлыйк. Алар Ярославль шәһәренә 94 нче балалар бакчасының 11 нче төркем балаларына китаплар җибәрделәр.

Ә “Яблочки” төркеме үзенең китап сәламен Чуваш Республикасына, Чабаксар шәһәренә тапшырды. Аларны 16 нчы балалар бакчасының “Семицветик” кече төркеме балалары алачак.

Фото чыганагы.