«Держись в Державино!»: безнең районда бэкъярдның беренче көне
Лаеш районының Державин авылында бэкъярд (backyard) форматындагы бишенче ультрамарафон ачылды — «Держись в Державино!».
Чемпионга «кунакка»
Бу гади генә старт түгел, ә үзенчәлекле «кунакчыл» вакыйга: катнашучылар оештыручы — танылган ультрамарафончы Андрей Солодовниковка кунакка киләләр һәм берничә көнгә кечкенә авыл тормышының бер өлешенә әвереләләр. Андрей Солодовников — җиңел атлетика һәм триатлон буенча халыкара сыйныфлы спорт мастеры, үтә марафон дисциплиналарында дөнья һәм Европа чемпионатларының күптапкырлы катнашучысы һәм призеры.
Backyard: форматның асылы
Backyard (инглизчәдән — «арткы ишегалды») — бу меңнәрчә катнашучысы булган зур коммерцияле стартлардан ерак торган, үтә озын араларга йөгерүнең кечкенә, камил һәм өйдәгечә диярлек форматы. Бүгенге көндә мондый чараларның күбесе зур мәйданчыкларда үтә, әмма Держвинда бәлки барысы да башкача оештырылган: Татарстандагы кечкенә авыл, кайда Андрей Солодовников яши, бишенче ел инде Backyard Ultra традицияләренә тугры йөгерүчеләр өчен җәлеп итү үзәге булып тора. Ул Казаннан нибарыты ярты сәгатьлек юлда урнашкан.
Өйдәгечә атмосфера һәм җитди ара
Җылы, гаиләдәгечә диярлек мохит монда узышның «формальлек өчен» генә үтүен аңлатмый. Киресенчә, узган елны Державинда ярышлар 82 сәгать дәвам итте: Михаил Заруба — 82 әйләнеш, Дмитрий Шеремет — 81, ә Вера Чекалина 64 әйләнеш узды. Мондый нәтиҗәләр монда катнашучыларны каршы ала гына түгел, ә өченче һәм дүртенче тәүлеккә сузыла торган ультрамарафонны югары дәрәҗәдә үткәрә белүләрен дә күрсәтә.
Державинны нәрсә үзенчәлекле итә?
Көчле спортчылар өчен Державинның төп өстенлеге — озак көрәшергә сәләтле һәм темпны төшерергә бирмәүче тиң көндәшләрнең күп булуы. Ә бэкъярд форматын беренче тапкыр гына сынап караучылар өчен — бу гомуми масса эчендә югалып калу җиңел булган зур коммерцияле старт хисеннән башка гына ярыш белән танышу мөмкинлеге. Монда һәр катнашучыны исеме белән беләләр, ә ярдәм итүчеләр командасы гомуми лагерьның бер өлешенә әверелә: кешеләр ярыштан чыкканнан соң да шунда ук китеп бармыйлар, ә көрәшне дәвам итүчеләр өчен җан атарга калалар.
Квалификация финишы һәм шәхси максатлар
Державиндагы этап — агымдагы квалификация циклының соңгы backyard ultra ярышы һәм командалар арасында дөнья чемпионатына Россия җыелма командасы формалашканчы нәтиҗәләрне яхшырту мөмкинлеге. Кем өчендер бу көннәр милли командага юл ачарга мөмкин, икенчеләр өчен — беренче тапкыр 24 сәгатьлек чикне узып китү, ә өченчеләр өчен — тормышларында беренче тапкыр backyard ultra сынавы булырга мөмкин.
Беренче көн үк бөтен чараның барышын билгеләде: трасса, лагерь, ярдәм итүчеләр һәм йолдызлы состав гади бер авылны йөгерү, велосипед спорты һәм чын ультрааралар рухын яратучылар өчен җәлеп итү үзәгенә әйләндерә.
Соңгы елларда Россиянең иң титуллы шоссе велосипедчыларының берсе — Ильнур Закаринның катнашуы узышка аеруча зур кызыксыну өсти. Закарин 2013 елдан 2022 елга кадәр профессиональ дәрәҗәдә чыгыш ясады, вакытка индивидуаль узышта ике тапкыр Россия чемпионы булды (2013 һәм 2017). Узган ел ул Державиндагы бэкъярдта катнашкан иде инде, быел да янә старт исемлегендә. Йөгерү һәм велосипед спорты сөючеләр өчен бу — мондый дәрәҗәдәге спортчы белән бер трассага чыгу өчен сирәк очрый торган мөмкинлек.
Ә алга таба нәрсә булачагын чираттагы тәүлекләр хәл итәр: кемдер беренче әйләнештән соң ук трассадан чыгачак, кемдер үзенең шәхси «24 сәгатьтән арткары» чигенә җитәчәк, ә кемдер, бәлки, нәкъ менә монда җыелма командага гариза язачак. Яңалыкларны күзәтеп барыгыз: Державинда тарих беркетмәләрдә түгел, ә реаль вакытта — әйләнеш артынан әйләнеш, төн артынан төн языла.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев