Салкыннарга карамастан «Кышкы күңел ачулар» узды

Яңа ел каникулларында Татарстанга җилле салкыннар килде. Һава торышы салкын булу сәбәпле Лаеш районының үзәк чыршысы янында бәйрәм программасында катнашучылар күп булмады. Ләкин салкыннан курыкмаган батырлар барыбер табылды.

Аларны берничә кызыклы эстафетада катнашырга дип ике командага бүлделәр. Башта балалар дистанцияне капчыкларда сикереп үттеләр.
Шуннан соң алар шул ук дистанцияне боҗра аша сикереп үттеләр Өченче ярыш — таяк аша сикерү булды. Балаларның уеннарын күзәтеп, өлкәннәр дә туңмас өчен, үзләре дә эстафетада катнаштылар.

Аннары алар бергәләп чыршы тирәсендә бию флешмобында катнаштылар һәм әйлән-бәйлән йөрделәр.