Хоккейчылар Mr. Ricco Кубогына ярышалар

Хоккей буенча Mr. Ricco Кубогы турниры ир-атлар һәвәскәр командалары арасында инде икенче тапкыр уза.

Командаларда бер генә дә профессиональ спортчы юк – бары тик бу спорт төрен яратучылар гына. Уеннарга А һәм В төркемнәренә бүленгән сигез команда килгән. Һәр командага төркем этабында өч матч уйнарга туры килә.

Ачылу тантанасында Лаеш районы Башлыгы Илдус Зарипов һәм “Казан май комбинаты” АҖ директорлар советы рәисе Дмитрий Самаренкин катнашты.

- Лаеш районы спорт тормышында һәрвакыт актив катнаша һәм яшь буынны тәрбияләү өчен кирәк булган сәламәт яшәү рәвешен пропагандалый. Барыгызга да кызыклы уен! - дип теләде Илдус Фатыйх улы.

Хәзерге вакытта беренче тур матчлары уйнала, ә бу дүрт уен. Аларның нәтиҗәләре:

“Mr. Ricco” – “Пимери” 5-4 (буллитлар буенча);

“Пәрәү” -  “Ямаш” 1-3;

"Лаеш" - "Керамика Маркеты" 2-3

“Мокрые Курнали” - “Габишево” 1-2

Киләсе матчлар 2023 елның 18 һәм 19 мартында узачак. Уеннар нәтиҗәләре турында "Камская новь" сайтында http://laishevskyi.ru  һәм газетаның киләсе саннарында белерсез.