12 майда планета Халыкара шәфкать туташы көнен билгеләп үтә

Күп кенә ил кешеләре ел саен 12 майда (Кырым сугышы чорында (1853-1856) дөньяда беренче мәрхәмәтлек шәфкать туташлары хезмәтен оештырган танылган инглизләрнең берсе Флоренс Найтингейл /Florence Nightingale туган көндә) Халыкара шәфкать туташлары көнен (International Nurses Day) билгеләп үтәләр.

Архивларда Кырым сугышы фронтына киткән шәфкать туташлары арасында Мәскәүнең Никольск мөсафирханәсенең рус монахинилары да булган, дигән мәгълүматлар сакланып калган. Соңрак та Россия дәүләте госпитальләрендә күп кенә аристократ рус хатын-кызлары хезмәт куя, алар арасында император Николай II нең хатыны һәм кызлары бар.

Шәфкать туташлары - авыруларны карау буенча табиб яки фельдшер күрсәтмәләрен үтәүче табибларның мәҗбүри ярдәмчеләре, чөнки нәкъ менә алар дәвалау вакыты дәвамында пациент белән турыдан-туры эшлиләр. Бүген алар сәламәтлек саклау системасы хезмәткәрләренең иң күп санлы категориясен тәшкил итәләр, чөнки табиб практикасында медицина хезмәтләренең зур өлеше бары тик шәфкать туташлары тарафыннан гына күрсәтелә.

Исегезгә төшерәбез, коронавирус пандемиясе белән көрәштә дә шәфкать туташлары турыдан-туры катнаша. Алар эшкә үзләренең бөтен тәҗрибәләрен һәм һөнәри осталыкларын, үзләренең иң яхшы шәхси сыйфатларын һәм тәвәккәллекләрен багышлыйлар.