«Сәламәтлеккә — „Әйе“ дибез!»: Үзәк балалар китапханәсе балалар өчен бәйрәм оештырды

   Бәйрәмгә балаларның яраткан мультфильм геройлары — оптимист АХ һәм пессимист ОХ килде. Алар үз мисалларында сәламәтлеккә карата мөнәсәбәтнең төрле булуын күрсәттеләр. ОХ үзенең чирләреннән зарланса, АХ аңа һәм балаларга спорт-уен программасында катнашырга тәкъдим итте.
Дәрес программасында түбәндәгеләр урын алды:
«Барбарики» төркеменең җырлары астында «Зарядка ясадык — сикердек тә, йөгердек тә» дип исемләнгән физкультминутка.
Балаларның зирәклеген сынаучы «Юынырга иренмибез» уены.
Яшелчә һәм җимешләрнең файдасы турында «Әйе — ЮК» уены.
Спорт эстафеталары: «Таякчык урынына — кәнфит», «Үги ана һәм Золушка», «Җир асты туннеле», «Һава тубы» һ.б.
Спорт уеннары балаларга дәрт һәм күтәренке кәеф бүләк итте. ОХ үзенең сырхауларын онытты, ә балалар бер-берсенең учларын җылытып, сәламәтлек һәм озын гомер теләделәр.
Үзәк балалар китапханәсе хезмәткәрләре оештырган бу чара балалар өчен чын сәламәтлек һәм шатлык бәйрәменә әверелде. Мондый очрашулар кечкенәдән үк үз сәламәтлегеңне кайгыртырга өйрәтә һәм вакытны күңелле үткәрергә ярдәм итә!