Атабай авыл мәдәният йортында батырлык һәм хезмәт данына багышланган бәйрәм чарасы узды. Мәдәни очрашу туган җирне үстерүгә үз өлешен керткән авылдашларны бергә җыйды.
Район үзәгеннән килгән иҗат коллективлары бәйрәмнең мәртәбәле кунаклары булды. Лаеш төбәгендә мондый дусларча очрашулар күптәннән күркәм традициягә әйләнгән. Тантана вакытында авылның төрле тармакларында эшләүче алдынгы хезмәткәрләрне, ветераннарны һәм яшь белгечләрне аерым билгеләп үттеләр — аларга Мактау грамоталары һәм бүләкләр тапшырылды.
Чара җирле артистлар әзерләнгән зур концерт белән дәвам итте.
Сәхнәдән туган якка багышланган җырлар, хезмәт кешесенә рәхмәт сүзләре яңгырады.
Тамашачылар таныш көйләргә кушылып җырлады һәм башкаручыларны җылы алкышларга күмде.
(Фото һәм видео материалларны Атабай мәдәният йорты режиссеры Әлфия Якупова тәкъдим итте. Видеомонтаж — Людмила Никифорова)
Нет комментариев