Дүрт еллык фидакарь хезмәт һәм юбилей челтәре
Лаеш районы Рождествено авыл җирлеге волонтерлары командасы үз эшен бер көнгә дә туктатып тормай. Аларның фидакарь хезмәте нәтиҗәсендә алгы сызыктагы сугышчыларга кирәкле әйберләр даими җибәрелеп тора.
Волонтерлар артында — маскировка челтәрләре үрү, тепловизорлардан саклый торган юоганнар, яралылар өчен эчке киемнәр һәм сугышчыларга кирәкле башка әйберләрне әзерләү буенча дүрт еллык җентекле хезмәт тора. Бу вакыт эчендә авыл осталарының осталыгы берничә тапкырга арткан. Нәкъ менә шундый җайга салынган уртак эш зур нәтиҗәләргә алып килә: тиздән Рождествено авылында юбилей — 200 нче маскировка челтәрен үреп тәмамлаячаклар. Бу зур күрсәткечкә җитү өчен хәзер нибары дүрт челтәр үрәсе калган.
Президент гранты кысаларында ярдәм
Рождествено мәдәният йорты мөдире Любовь Хәсәнова сүзләренчә, күптән түгел волонтерлар Президент гранты кысаларында тепловизорлардан саклый торган 34 пончо тегеп, алгы сызыкка озату өчен тапшырганнар. Хәрәкәт моның белән генә тукталып калмый: авылга алга таба эшләү өчен яңа материаллар кайткан. Шулай итеп, Лаеш районының оста-иреклеләре дошманны җиңүне якынайту өчен алга таба да фидакарь хезмәт итәчәкләр.
Рождествено мәдәният йорты фотосы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев