Никольский 23 февральне җырлар белән каршы ала

Авыл халкы һәм кунаклар яңгыравыклы рус халык җырлары башкарылган, татар биюләре, шаян номерлар куелган концертны рәхәтләнеп карадылар. Кечкенә йолдызчыкларның назлы тавышлары һәм тәҗрибәле сәхнә осталарының ышанычлы тавышлары яңгырады. 
Тамашачыларга күптән таныш һәм алар яраткан патриотик җырлар аерым урын алып торды. 
Кемнеңдер туганнары Бөек Ватан сугышы елларында илне саклаган, кемдер хәзер МХО зонасында хезмәт итә. Ә күпләр безнең сугышчыларга монда, тылда ярдәм итә — маскировка ятьмәләре үрә, җылы әйберләр бәйлиләр, җиһазларга акча җыялар.
Бу концерт күңел бәйрәменә әверелде. Ул безнең бүгенге сакчыларыбыз, ата-бабаларыбыз кебек үк, күп гасырлар дәвамында Ватаныбыз иминлеге өчен катлаулы көрәштә җиңүчеләр булачагына ышаныч тудырды.
«Безнең белән булганыгыз өчен рәхмәт! Без сезнең өчен тырыштык»- дип оештыручылар тамашачыларга рәхмәт әйттеләр.