Столбище авылыннан ярты гасырлык стажы булган укытучы Елена Фомина 95 яшьлек юбилеен билгеләп үтте

   Юбилярны Лаеш районы башлыгы Илдус Зарипов исеменнән Столбище авыл җирлеге башлыгы Айрат Абдрафеев котлады.
Елена Павловна укытучылар гаиләсендә туган. Шунлыктандыр, бәлки, аның язмышы башыннан ук педагогика белән бәйле була. Сугыш елларында, әле бик яшь булса да, ул колхозга ярдәм итә — тылда Җиңү өчен кирәк булган барлык эшне башкара. Сугыштан соң Столбище мәктәбенә эшкә килә һәм анда 42 ел хезмәт итә.
Үзенең ире Александр Григорьевичны Елена Павловна яшь чагында ук очрата. Алар бергә 65 ел гомер итәләр, ике ул тәрбияләп үстерәләр. Бүген аларның гаиләсе зураюын дәвам итә: Елена Павловнаның дүрт оныгы һәм дүрт оныкчыгы бар.
Күпьеллык һәм намуслы хезмәте өчен Елена Павловна югары бүләкләргә лаек булган: ул — «Халык мәгарифе отличнигы», «СССР мәгариф отличнигы» һәм «Хезмәт ветераны».
Елена Павловнага күңел күтәренкелеге, елмаюлар һәм туганнары арасында тагын бик күп бәхетле көннәр телибез.