Столбище мәктәбендә профилактика очрашуы үтте

Очрашуда нәрсәләр турында сөйләштеләр?
Балаларга явыз ниятле кешеләрнең социаль челтәрләр һәм мессенджерлар аша яшүсмерләрне куркыныч эшләргә ничек җәлеп итүләре турында сөйләделәр. Вербовщикларның еш кына үзләрен яшьтәшләр, блогерлар яки дуслар кебек танытуын, акча һәм танылу вәгъдә итүләрен аңлаттылар.

Үзеңне ничек сакларга?
Укучыларга берничә киңәш бирелде:
Шикле тәкъдимнәр килгәндә, бу хакта олыларга хәбәр итәргә.
Шундый кешеләр белән аралашуны шунда ук туктатырга.
Язышуларны (переписка) исбатлау чарасы буларак саклап калырга.
Дуслар даирәсе һәм кызыксынулар үзгәрүгә игътибарлы булырга.
Законсыз гамәлләр өчен җаваплылык
Яшүсмерләргә террористик эшчәнлектә катнашуның зур җинаять икәнен һәм хәтта кечкенә генә гамәл өчен дә җинаять җаваплылыгы каралганлыгын искә төшерделәр.
Куркыныч туганда нишләргә?
Очрашу ахырында балаларга курку яки шомлану хисен кичергәндә кичекмәстән ата-аналарга, укытучыларга яки хокук саклау органнарына мөрәҗәгать итәргә кирәклеген аңлаттылар.
Мәктәп үз укучыларының иминлеге турында кайгырта. Мондый очрашулар балаларның куркынычлар турында белемен арттырырга һәм үзеңне саклау юлларын өйрәнергә ярдәм итә.