Россиянең иң яхшы 100 остазын Казанда сайлаячаклар

Чара остазлыкны үстерүгә, яшьләргә гражданлык-патриотик тәрбия бирүгә һәм буыннар арасындагы элемтәләрне ныгытуга юнәлдерелгән. Конкурсны Россия Президенты кушуы буенча Росмолодежь оештыра.

Быел 70 мең кеше гариза биргән, 79 төбәктән 400 финалист дүрт ярымфинал узды. Иң күп катнашучылар Мәскәүдән, Мәскәү, Ростов, Волгоград, Кемеров, Түбән Новгород һәм Вологда өлкәләреннән, шулай ук Санкт-Петербургтан. Финалда Ставрополь краеннан 10 кеше катнаша.

Татарстаннан финалга Яр Чаллыдан Илнур Миндубаев һәм Биләрдән Андрей Чугуров. Ул Россиянең атказанган укытучысы, аның клубында Россия Герое Рәсим Баксиков тәрбияләнде.

Финал «Яшь остаз», «Тәҗрибәле остаз», «Остаз-лидер», «Үз остазыбыз» (махсус операция ветераннары) һәм «Хезмәттәге остаз» номинацияләрендә иң яхшы 100 остазны билгеләячәк. «Үз остазыбыз» номинациясендә 48 Батырлык ордены кавалеры, 9 Георгий тәресе Герое һәм 42 «Батырлык өчен» медале иясе катнаша.

Ачылу тантанасы 11 октябрьдә танылган шәхесләр катнашында узды. Конкурска нәтиҗәләр 17 октябрьдә Казанның конгресс-үзәгендә ясалачак. Финалистлар уеннарда, лекцияләрдә һәм конкурс сынауларында катнашачак.