Татарстан Халыклары дуслыгы парады 12 июньдә Казанда һәм республика районнарында узачак
2025 елда Халыклар дуслыгы парады территориясен киңәйтергә планлаштырулары турында республика халыклары Яшьләр Ассамблеясе рәисе Диләрә Дамар хәбәр итте.
Фото: > Салават Камалетдинов / «Татар-информ»
— Быел без акцияне киңәйтергә һәм парадны республика районнарында уздырырга планлаштырабыз, анда Яшьләр Ассамблеясе вәкиллекләре актив эшли. Форсаттан файдаланып, биредә булган муниципалитет вәкилләреннән инициативаны хуплауларын һәм актив рәвештә эшкә керешүләрен сорыйбыз, — диде Диләрә Дамар.
Парадта ел саен милли-мәдәни автономияләр һәм аларның яшьләр бүлекләре, иҗат коллективлары һәм чит ил студентлары катнаша. Алар белән бер рәттә — республиканың дәүләт һәм муниципаль хакимият органнары вәкилләре һәм ТР Иҗтимагый палатасы әгъзалары. Парадта катнашучылар Татарстан башкаласының үзәк урамнары буйлап патриотик җырлар җырлап узалар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев