«Zа будущее» патриотик фестивале кул сугышы бунеча 300 дән артык көрәшчене җыйды
Казанда «Zа будущее» спорт-патриотик фестивале кысаларында универсаль көрәш буенча Идел буе федераль округы беренчелеге һәм Чемпионаты узды.
Чара бокс һәм өстәл теннисы үзәгендә узды, анда ярышлар алдыннан катнашучыларны үлчәү һәм җирәбә салу булды.
Ярышлар иртә таңнан башланып, кичкә кадәр дәвам итте. Анда 12 яшьтән өлкәнрәк булган 300 дән артык спортчы катнашты. Җиңүчеләр медальләр һәм махсус призлар белән бүләкләнделәр.
Фестивальнең мактаулы кунагы ТР Дәүләт Советы депутаты һәм махсус хәрби операциядә катнашучы Эдуард
Шәрәфиев булды. Ул яшьләрне тәрбияләүнең мөһимлеген билгеләп үтте:
«Бу катлаулы вакытта, безнең егетләр алгы сызыкта хәрби бурычларны үтәгәндә, безнең бурыч-үсеп килүче буын белән шөгыльләнү һәм илнең чын патриотларын формалаштыру. Мин ата-аналарга, тренерларга һәм балаларыбыз белән шөгыльләнүчеләргә рәхмәт белдерәм. Ярышларда катнашучыларга гадел һәм ярышларны имин тәмамлауларын телим!»
«Zа будущее» фестиваленең төп максаты — яшьләр һәм өлкәннәр арасында көрәш сәнгатен популярлаштыру, шулай ук тәҗрибә уртаклашу һәм спорт осталыгын арттыру өчен платформа булдыру.
Фестивальнең партнерлары булып «Время выбрало нас» хәрби хәрәкәтләрдә катнашучыларга һәм ветераннарга ярдәм фонды, Татарстан Республикасы Иҗтимагый палатасы, ТР спорт көрәшләре Ассоциациясе һәм Идел буе дәүләт физик культура, спорт һәм туризм университеты (ПГУФКСиТ) чыгыш ясады.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев