Банк кешбэгы һәм салым салу: Татарстан Федераль салым хезмәтенең (ФНС) аңлатмалары

Кешбэктан кайчан салым алына?
Кешбэк түбәндәге очракларда гына салым салына торган керемгә әверелә:
• түләү ачык оферта кысаларында алынмаган булса;
• түләү хезмәт мөнәсәбәтләре белән бәйле булса;
• кешбэк хезмәт күрсәтү, эш башкару яки товарлар китерү өчен түләү рәвешендә бирелсә.
Вкладлар буенча процентлар һәм НДФЛ
Кешбэктан аермалы буларак, вкладлар һәм исәп-хисап счетларындагы калдыклар буенча процентлар рәвешендә алынган керемнәргә НДФЛ салына. Салымны исәпләү өчен банкларның салым органнарына тапшырган мәгълүматлары нигез булып тора. Бу мәгълүматлар гражданнар өчен ФНС сайтындагы шәхси кабинетта («Сведения о доходах» → «Проценты по вкладам» бүлегендә) ачык.
Банк физик затның ел дәвамында алган процентларының гомуми суммасын күрсәтә (һәр вклад яки счет буенча аерым ачыклап тормыйча). Әгәр мәгълүмат сезнең саннар белән туры килмәсә, аны ачыклау өчен банкка мөрәҗәгать итәргә киңәш ителә.
Салым ничек исәпләнә?
Вкладлар буенча процентларга салым банк мәгълүматлары нигезендә салым органнары тарафыннан исәпләнә һәм салым хәбәрнәмәсенә кертелә. Искәрмә: 2025 ел өчен вкладлар буенча процент керемнәренә НДФЛ әле исәпләнмәгән.
Татарстан Республикасы буенча Федераль салым хезмәтенең рәсми позициясе
Ведомствода ассызыклаганча: ММЧларда салым органнары банк кешбэгыннан НДФЛ ала башлаган дип таралган мәгълүмат чынбарлыкка туры килми. Әгәр сезнең банк исәпләгән керем буенча сорауларыгыз булса, турыдан-туры кредит оешмасына мөрәҗәгать итүегез файдалы.
Фото: © Салават Камалетдинов / «Татар-информ»