БПЛА операторлары хезмәттән соң гражданлык тормышында да сорала

Пилотсыз очу аппаратлары (БПЛА) белән эшләү күнекмәләрен алган яугирләр гражданлык тормышында да соралачак. Бу хакта Казанның контракт буенча хезмәткә сайлап алу пункты офицеры Егор Горячев хәбәр итте.
«Хәзерге вакытта Пилотсыз системалар гаскәрләренә сайлап алу бик җитди. Хезмәттән соң бу күнекмәләргә ия булган яугирләр зур ихтыяҗ табачак — пилотсыз аппаратлар авыл хуҗалыгында, сак структураларында һәм башка күп кенә өлкәләрдә актив кулланыла», — дип билгеләп үтте ул.
Пилотсыз системалар гаскәрләренә эләгү өчен компьютер уеннарын яратучыларның шанслары күбрәк, чөнки аларның кул моторикасы яхшы үскән, ә геймерлар өчен таныш булган интерфейс укуны тизләтә.
Исегезгә төшерәбез, 1 гыйнвардан Татарстанда РФ Оборона министрлыгы белән контракт төзергә теләүчеләргә түләүләр 2,9 млн сумга кадәр арттырылды — бу илдәге иң югары түләүләрнең берсе һәм Идел буе федераль округында иң югарысы. Моннан тыш, нәкъ менә Татарстанда бүгенге көндә МХОда катнашучыларга һәм аларның гаиләләренә ярдәм итүгә юнәлтелгән өч меңнән артык муниципаль акт кабул ителгән.
Татарстан Республикасында РФ Оборона министрлыгы белән контракт төзү, өстәмә премияләр, ташламалар һәм түләүләр турында тулырак мәгълүматны https://heroes-tatarstan.ru/ сайтында белергә була.
Шулай ук Казан шәһәре, Аэропортовская урамы, 1/40 адресы буенча урнашкан (1 нче разрядлы) контракт буенча хәрби хезмәткә сайлап алу пунктына мөрәҗәгать итәргә мөмкин; тел. (843) 221-44-52. Башка төбәк кешеләренә 8 800 222 59 00 яки 117 кол-үзәк номерына шалтыратырга кирәк.