Игътибар: 3-НДФЛ декларациясен тапшырмаган өчен массакүләм блокровкалау турындагы фейк
Интернетта 20 майдан соң 3-НДФЛ формасы буенча декларация тапшырырга өлгермәгән һәрбер гражданның банк счетлары автоматик рәвештә ябылачак дигән фейк мәгълүмат таралды.
Бу мәгълүмат чынбарлыкка туры килми.
Операцияләрне туктатып тору бары тик шәхси эшмәкәрләргә (ИП), нотариусларга, адвокатларга һәм эшмәкәрлек эшчәнлегеннән керем алучы башка шәхси практика алып баручы затларга гына кагылырга мөмкин. Бизнес сыйфатында теркәлмәгән физик затларга чикләүләр суд карары буенча салым бурычы булган очракта гына салына; тапшырылмаган бер декларация өчен счетны блокламыйлар.
Шул ук вакытта Федераль салым хезмәте (ФНС) алдан хәбәрнамә җибәрә һәм хисапны үз теләгең белән тапшыру өчен 20 эш көне вакыт бирә. 2025 елгы керемнәр буенча декларация кампаниясе 2026 елның 30 апреленә кадәр дәвам итә. Салымны түләү вакыты — 2026 елның 15 июленнән дә соңга калмыйча.
3-НДФЛ декларациясен түбәндәге очракларда тапшырырга кирәк:
• билгеләнгән сроктан азрак вакыт милектә булган мөлкәт сатылса;
• туган булмаган кешедән зур кыйммәтле бүләк алынса;
• лотереяда отыш булса, арендадан керем, чит ил түләүләре яки салым алынмаган башка суммалар алынса.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев