«иВолга» яшьләр форумының заявка кампаниясе башланды

«иВолга — 2026» форумының төп темасы «Россия коды: Күптөрлелектә бердәмлек» девизы булачак. Форум «Яшьләр һәм балалар» милли проектының максатларына һәм бурычларына туры килә. 2026 елгы яшьләр форумы «Беренчеләр хәрәкәте» — илнең иң масштаблы балалар һәм яшьләр хәрәкәте үсешенә юнәлдереләчәк.
Форум сюжетлы уенның уникаль форматында тормышка ашырыла. Катнашучыларга тикшеренүчеләр ролендә чыгыш ясарга һәм бергәләп Идел буе федераль округының мәдәни кодын чишәргә туры киләчәк. Эшнең нәтиҗәсе округның туристик һәм мәдәни потенциалын чагылдырган интерактив карта булачак.
Катнашучылар өчен сигез профильле юнәлеш каралган: «Арт-код», «Чакыру коды», «Хезмәт коды», «Белем коды», «Туризм коды», «Гаилә коды», «Медиа-код», «Беренчеләр коды».
Форумда инклюзив мохит булдырылачак һәм сәламәтлек мөмкинлекләре чикләнгән катнашучылар өчен махсус шәһәрчек оештырылачак. Катнашучыларны Жигулев тауларына караган палаткалы шәһәрчек һәм бай команда эше көтә.
Гаризаны хәзер үк «Росмолодежь.Форумы» платформасында бирергә мөмкин. 
Реклама хокукларында 16+
Фото: ТР Яшьләр эшләре Министрлыгы Матбугат хезмәте