Кешеләр турында кайгырткан өчен — дәүләт ярдәме

  Бу финанс ярдәме ай саен бирелә һәм сәламәтлек саклау системасындагы 29 меңнән артык кешене үз эченә ала. Түләүләрнең күләме хезмәткәрнең категориясенә һәм медицина учреждениесенең профиленә карап 4,5 меңнән 50 мең сумга кадәр үзгәрә. Бигрәк тә амбулатория һәм ашыгыч ярдәм хезмәтендә эшләүче табиблар һәм шәфкать туташлары өчен бу зур этәргеч булып тора.
Түләү алу тәртибе:
Медицина оешмалары ай саен хезмәткәрләр реестрын электрон рәвештә юллый.
Социаль фонд акчаны 7 эш көне эчендә банк картасына күчерә.
Түләү турында хәбәрнамә «Дәүләт хезмәтләре» (Госуслуги) порталында күренә.
Мөһим факт: бу түләүләрдән салым алынмый (НДФЛ) һәм алар уртача эш хакын исәпләгәндә исәпкә алынмый. Шулай ук тулы булмаган эш көнендә эшләүче медиклар да бу ярдәмне ала ала.
«Бу махсус түләүләр медицина хезмәткәрләренең авыр хезмәтенә ярдәм итүче һәм яшь кадрларны һөнәрләрендә калдыру өчен этәргеч булып торучы корал», — дип билгеләп үтте Россия Социаль фондының Татарстан буенча бүлеге җитәкчесе Эдуард Вафин.