Татарстан Идел буйы федераль округының (ИФО) интеллектуаль сугышында җиңде

РФ Президентының ИФОдагы вәкиллеге матбугат хезмәте хәбәр иткәнчә, безнең якташлар пилотсыз очу аппаратлары (БПЛА) белән идарә итү буенча да җиңү яуладылар, ә БПЛАларны программалаштыруда өченче урынга ия булдылар.
Олимпиаданы ябу тантанасы Пермь шәһәрендә узды. Ярышларда ИФО һәм Урал федераль округыннан 200дән артык кеше катнашты. Алар робототехника, БПЛА белән идарә итү һәм программалаштыру, шулай ук «Нәрсә? Кайда? Кайчан?» интеллектуаль уенында үз осталыкларын күрсәттеләр. Быел беренче тапкыр катнашучылар инженерлык мәсьәләләрен чишүдә дә көч сынаштылар.
Олимпиада нәтиҗәләре:
Робототехника: 1 урын — Самара өлкәсе, 2 урын — Пенза өлкәсе, 3 урын — Түбән Новгород өлкәсе.
Инженерлык мәсьәләләрен чишү: 1 урын — Пермь крае, 2 урын — Самара өлкәсе, 3 урын — Киров өлкәсе.
«Нәрсә? Кайда? Кайчан?» уены: 1 урын — Пермь крае, 2 урын — Сарытау өлкәсе, 3 урын — Ырынбур өлкәсе.
БПЛА белән идарә итү: 1 урын — Татарстан, 2 урын — Түбән Новгород өлкәсе, 3 урын — Самара өлкәсе.
БПЛА программалаштыру: 1 урын — Сарытау өлкәсе, 2 урын — Свердловск өлкәсе, 3 урын — Татарстан.
Гомуми исәптә:
Татарстан (җиңүче)
2 урында Самара өлкәсе
3 урында Пермь крае
Җиңүчеләргә һәм призерларга кубоклар һәм истәлекле бүләкләр тапшырылды. Рәсәй Президентының ИФОдагы вәкиле урынбасары Олег Машковцев билгеләп үткәнчә, катнашучыларның белемгә омтылышы зур хөрмәткә лаек.