Татарстан Росреестры халыкка фатирларны үзгәртеп кору һәм планлаштыру хезмәтләрен аңларга ярдәм итә

Бу бүлек фатирларны торак фондыннан торак булмаган фондка (һәм киресенчә) күчергәндә, шулай ук күпфатирлы йортлардагы фатирларның планировкасын үзгәртүне рәсмиләштергәндә аеруча файдалы.
Әлеге бүлек ярдәмендә эшләр планын төзергә һәм аларның үтәлешен күзәтеп барырга мөмкин. Шулай ук ул фатирны ничек дөрес күчерергә кирәклеген аңлата һәм гомуми эшләр планын төзергә булыша.
«Дәүләт хезмәтләре» аша онлайн гариза бирү өчен барлык шартларны үтәү зарур, мисал өчен, шәһәр хакимиятеннән рөхсәт алырга һәм кирәкле документларны әзерләргә кирәк.
Үзгәртеп планлаштыру (перепланировка) һәм үзгәртеп кору (переустройство) нәрсә ул?
Үзгәртеп планлаштыру — бу фатирның зурлыгын яки эчке планировкасын үзгәртү. Мисал өчен, стенаны алырга, тәрәзәне зурайтырга яки бүлмәне икегә бүлергә мөмкин. Моның өчен фатирның техник планына үзгәрешләр кертелергә тиеш.
Үзгәртеп кору — бу фатирда сантехника, электр челтәрләрен һәм башка системаларны урнаштыру, алыштыру яки күчерү. Мисал өчен, торбаларны алыштырырга яки раковинаны икенче урынга күчерергә мөмкин.
Искәртеп үтәбез, «Мәгълүматлы икътисад» милли проекты һәм «Кешеләр өчен дәүләт» федераль проекты кысаларында эшләнгән «тормыш хәлләре» (жизненные ситуации) сервислары барлык кирәкле дәүләт хезмәтләрен бер урында тиз һәм җиңел алырга мөмкинлек бирә. Кулланучыларга өстәмә мәгълүмат эзләп яки төрле учреждениеләргә һәм ведомстволарга йөреп вакыт әрәм итәргә кирәкми.
«Дәүләт хезмәтләре» сайтындагы «тормыш хәлләре» сервислары дәүләт хезмәтләрен онлайн алуны җиңеләйтә. Бу халыкның вакытын янга калдыра, аларны төрле идарәләргә йөрүдән һәм күп сандагы документлар җыюдан коткара.