Татарстанда быел 10 000 медицина хезмәткәре яңа форма алачак

Пилот этабы ничек узды?
2025 елда программа Казанның ике эре медицина учреждениесендә — 2 нче клиник хастаханәдә һәм Балалар республика клиник хастаханәсендә сынау узды. Анда табиблар, урта һәм кече медицина персоналы катнашты. Һәр хезмәткәр шәхси форма алды, ә клиникаларда кулланылган киемнәрне кабул итүче автоматлаштырылган пунктлар һәм шәхси саклау системалары урнаштырылды.

Төсләргә карап аерым якын килү
Бүлекчәнең профиленә (стационар, поликлиника, хирургия, терапия һ.б.) карап, форманың төсләр гаммасы төрлечә. Медицина хезмәткәрләре эштә уңайлылык һәм куркынычсызлык артуын билгеләп үттеләр, бу программаны дәвам итү өчен төп этәргеч булды.

Тарихи белешмә
Әле 2013 елда ук Россиядә медицина текстилен эшкәртү буенча беренче югары технологияле фабрика-кер юу йорты төзү турында инвестицион килешү төзелгән иде. 2022 елдан, Татарстан җитәкчелеге ярдәме белән, медикларны форма белән тәэмин итү проекты тормышка ашырыла. Республика бюджеты исәбеннән 100 медицина учреждениесеннән 10 000 хезмәткәр өчен 60 000 комплект кием бирелде инде.

2026 елда нәрсә көтелә?
Программаның яңа өч еллык этабы башлана. Аның кысаларында медиклар федераль стандартларга җавап бирүче, бердәм стильдәге һәм үзебезнең материаллардан тегелгән форма алачак. Шәхси исәпкә алу системасын кертү дәвам итә, бул исә чыгымнарны оптимальләштерергә һәм ресурслардан файдалану нәтиҗәлелеген арттырырга мөмкинлек бирә.