Лаешта мәктәпкәчә яшьтәге балалар «Солдат Ватанына хезмәт итә...» рыцарьлар турнирында катнашты

Фотоны Елена Марикина тәкъдим итте.

Бәйрәмгә хәрби марш авазлары астында малайлар янына саф адымнары белән мәче Матроскин һәм эт Шарик ашыктылар. 
Россия Армиясе сафларына хезмәткә алганчы, алып баручы аларның җитезлеген, зирәклеген, тапкырлыгын тикшерергә һәм хәрби хезмәт күнекмәләренә өйрәтергә карар кылган. Чарада катнашучылар бик рәхәтләнеп Матроскинга һәм Шарикка ярдәм итәргә ризалаштылар. Хәрби дисциплина һәм звание буенча өлкәннәрне сәламләве — яңа солдатларга үтәргә туры килгән таләпләрнең тулы булмаган исемлеге генә.

Шарик фикеренчә, хәрби булу өчен куелган бурычларны үти белү генә түгел, лаеклы ял итү дә кирәк. Ә катлаулы көннән соң биюдән дә яхшырак нәрсә булырга мөмкин? Матроскин һәм Шарик балаларга «Яблочко» биюен башкарырга һәм катлаулы булмаган диңгез табышмакларын чишәргә тәкъдим иттеләр. 

Бәйрәмнең иң кызган вакытында балалар янына хат ташучы Печкин килде. Ул «Мурзилка» журналының бер санында чын хәрби турында басылган мәкалә бик вакытлы булачак, дип саный. Моннан тыш, Печкин балаларга «Разминка», «Киртәләр полосасы», «Яшерен донесение», «Төз снайперлар», «Мина кыры», "Беренче медицина ярдәме" конкурсларында һәм эстафеталарында катнашырга тәкъдим итте. 

Песи белән эт балаларга катлаулы сынауларда ярдәм иттеләр, аларны үтәгәннән соң хат ташучы Печкин егетләрнең армиядә хезмәт итүгә яхшы әзерләнүен танырга мәҗбүр булды. 
Чараны тәмамлап, кунаклар шигъри формада илебезнең барлык ир-атларын якынлашып килүче бәйрәм белән котладылар

.