Пәрәү авылында Бөек Җиңү җырларын башкардылар
Пәрәү мәдәният йортында «Җыр белән дошманны җиңдек» дип исемләнгән кичә узды.
Кичәдә авыл халкы Бөек Ватан сугышы вакытында башкарылган җырларны искә төшерде. Музыка борынгы заманнардан ук сугышта көчле корал булган. Сугыш елларында башкарылган җырлар кешеләрне берләштергән, аларның рухын күтәргән, шулай ук халыклар арасындагы дуслыкны ныгыткан.
Бүген без сугышта һәлак булган бабайлар, әбиләр һәм башка туганнарыбыз белән сөйләшә алмыйбыз. Әмма без алар үз вакытында җырлаган җырларны җырлый алабыз. Бу җырларда без аларның тиңдәшсез батырлыгын күрә алабыз.
Җырлар белән миллионнар атакага барган. Җырлар артиллерия залпы кебек көчле яңгыраган, һәркемнең йөрәгенә үтеп кергән һәм Җиңү безнең якта булачагына ышаныч тудырган.
Фото: Пәрәү мәдәният йорты
Следите за самым важным и интересным в Telegram-каналеТатмедиа
Нет комментариев