Рөстәм Миңнеханов татарстанлыларны Ватан Геройлары көне белән котлады

Фото: π Владимир Васильев / «Татар-информ»
Бүген без Советлар Союзы Геройларына, Россия Федерациясе Геройларына һәм Дан орденнары кавалерларына тирән рәхмәтебезне белдерәбез. Аларның батырлыгы, ныклыгы һәм Ватанны сакларга әзерлеге безнең өчен һәрвакыт үрнәк булыр.
Быел Ватан Геройлары көне аеруча әһәмияткә ия. Без Бөек Җиңүнең 80 еллыгын билгеләп үтәбез һәм Ватанны саклаучылар елы кысаларында чаралар үткәрәбез. Без рухи көч һәм профессиональлек күрсәткән кешеләргә хөрмәтне саклап калу өчен кулдан килгәннең барысын да эшләүне дәвам итәчәкбез. 2026 ел Татарстанда хәрби һәм хезмәт батырлыгы елы дип игълан ителде.
Республика халкы исемнәре тарихта мәңгегә калачак геройлары белән горурлана. Аларның батырлыклары яшь буынны Ватанга намуслы хезмәт итәргә рухландыра.
Бүген геройлар сафын шулай ук безнең илебезне махсус хәрби операциядә саклаучылар тулыландыра. Алар Ватанга хезмәт итүнең данлы традицияләрен дәвам итәләр.
Без ата-бабаларыбыз мирасын, аларның тәҗрибәсенә һәм батырлыгына таянып, кадерләп сакларга тиешбез. Илнең бердәмлеген һәм куәтен ныгытырга һәм республиканың иминлеген тәэмин итәргә.
— Кадерле Татарстанлылар! Сезгә сәламәтлек, бәхет телим! Бәйрәм белән! Ватан Геройлары көне белән! — дип язды Татарстан Рәисе.