Лаеш районы яшь армиячеләре Мәңгелек утка чәчәкләр салдылар
Академик В.И. Андреев исемендәге Олы Кабан мәктәбенең «Ялкын» эзләү отряды яшь армиячеләре яшьләр оешмалары активистлары арасында Билгесез солдат көненә багышланган митингта катнаштылар.
Чара Казан шәһәренең Җиңү паркында узды. Чарада Россия Герое Рәсим Баксиков катнашты. ТР Ветераннар советы рәисе, юнармиянең төбәк штабы башлыгы генерал-майор Александр Бородин, ТРда «Ватан» берләшмәсе рәисе Александр Коноплев һәм башкалар.
Татарстан АССРда туган, 1915 елгы сапер, рядовой Гордеев Иван Дмитриевичның медальонын аның туганнарына тапшыру мөһим һәм күңелне кузгатырлык момент булды.
Тантаналы шартларда катнашучылар һәлак булган һәм хәбәрсез югалган Ватанны саклаучыларны бер минут тынлык белән искә алдылар һәм Мәңгелек утка чәчәкләр салдылар. Мемориалга куелган һәр чәчәк исемнәре билгесез калган, әмма батырлыклары безнең хәтердә мәңгегә калачак кешеләргә хөрмәт һәм рәхмәт символына әверелде.
Без аларның батырлыгын хәтерлибез һәм хөрмәт итәбез! Аларны искә алу безне игелекле эшләргә һәм Ватанга хезмәт итәргә рухландырсын. Мәңгелек хәтер Билгесез солдатка!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев