Коррупцион хокук бозуларны профилактикалау буенча кайнар линия ТР буенча Россия Суд приставлары федераль хезмәте идарәсендә старт ала
Татарстанлылар 12 майда Россия Суд приставлары федераль хезмәтенең Татарстан Республикасы буенча идарәсе эшчәнлеге турында мәгълүматның ачыклыгын арттыру кысаларында "Кайнар линия"гә мөрәҗәгать итә алалар.
Татарстан Республикасында яшәүчеләр мөрәҗәгать итә ала:
(843) 514-92-32 телефоны буенча 9:00 дән 18:00 гә кадәр республикада яшәүче кеше коррупция юнәлешендәге әзерләнүче, кылынган яки кылынучы җинаятьләр, дәүләт хезмәтендә мәнфәгатьләр конфликтлары, дәүләт хезмәте белән бәйле тыюларны һәм чикләүләрне үтәмәү фактлары турында хәбәр итә.
Игътибар итегез, Россия Суд приставлары хезмәтенең ТР буенча идарәсендә “Ышаныч телефоны” тәүлек буе эшли. Татарстан халкы әлеге хокук бозулар турында (843) 292-98-60 номеры буенча да хәбәр итә ала. «Ышаныч телефоны» буенча бирелгән мәгълүмат кичекмәстән каралачак, мөрәҗәгатьнең конфиденциальлеге гарантияләнә.
Россия Федераль суд приставлары хезмәтенең ТР буенча идарәсенә коррупцион гамәлләргә кагылышлы булмаган мөрәҗәгатьләр, аноним мөрәҗәгатьләр, шулай ук җавап җибәрелергә тиешле почта адресыннан башка мөрәҗәгатьләр каралмаячак һәм тикшерелмәячәк.
Следите за самым важным и интересным в Telegram-каналеТатмедиа
Нет комментариев