Атабай мәдәният йортында Әниләр көненә багышланган җылы кичә узды

Монда чын гаилә атмосферасы иде — әниләрне һәм әбиләрне чын күңелдән котладылар, җылылык һәм елмаюлар белән уртаклаштылар.

Бәйрәмгә килүчеләр гармунга җырладылар, шаярту конкурсларында катнаштылар. Кунаклар рәхәтләнеп Әниләр көне программасына кушылдылар.

Бәйрәмгә китаплар күргәзмәсе әзерләгәннәр иде.

Кич азагында кунакларны бәйрәм озакка истә калсын өчен тәмле ризыклар белән сыйладылар!
Ә залда стена янында әле бәйләнеп бетмәгән маскировка челтәрләре тора. Бүген авыл халкы ял итә. Ләкин иртәгә аларның күбесе мәдәният йортына безнең сугышчыларга ярдәм итәр өчен киләчәк. Күңел белән үрелгән маскировка ятьмәләре, ана канаты кебек, якташларын дроннардан саклаячак.

Һәр төен — ул безнең ярдәмебез һәм бүген көрәшүче геройларга рәхмәтебез.