Гуманитар йөкнең чираттагы партиясен махсус операция зонасына җибәрделәр

Медикаментлар, бензопилалар, газ плитәләре белән йөк Луганск Халык Республикасының Сватово шәһәренә барып җитте.

«Без махсус операциядә катнашучылар белән элемтәдә торабыз. Хәзерге гуманитар ярдәм партиясе өчен сугышчыларга кирәкле барлык әйберләр сатып алынган. Теләк бер генә — исән-сау әйләнеп кайтсыннар », — ди ведомство хезмәткәрләре.

Бу безнең сугышчыларга экологлар җибәргән икенче йөк партиясе.

Татарстан сугышчылары ведомство хезмәткәрләренә рәхмәт белдерделәр. «Безгә ярдәмегез һәм ышанычыгыз өчен бик зур рәхмәт! Монда, махсус операция зонасында, безнең өчен бу аеруча мөһим», — дип билгеләп үттеләр алар.