Лаеш районына «Милләт хәзинәләре» сменасында 150 катнашучы килде
Быел анда Россиянең һәм Казахстанның 23 төбәгеннән 150 бала һәм яшүсмер катнашты.
Биредә һәр көн бай һәм мавыктыргыч: команданы берләштерү дәресләре, саф һавада актив уеннар, спорт ярышлары, иҗади конкурслар, татар теле дәресләре һәм төрле юнәлешләр буенча мастер-класслар.
Балалар үзләренең төрле талантларын күрсәтәләр. Алар отряд почмагын бизәү өстендә эшлиләр, отряд клипларын төшерәләр, креатив идеяләрне гәүдәләндерәләр. Һәркемнең уртак эшкә ничек өлеш кертергә тырышуын күзәтү бик шатлыклы.
Беренче көнне үк яшүсмерләр «Йолдызлы яңгыр» дип исемләнгән концерт уздырдылар. Балаларның талантлары күп — алар бик яхшы җырлыйлар, бик яхшы бииләр һәм музыка коралларында уйныйлар.
Өч атна эчендә башка төбәкләрдән килгән балалар татар халкы мәдәнияте белән танышачак һәм татар телен өйрәнүдә практика алачак.
Фото "«Идел » яшьләр үзәге
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев