Лаеш районында «Зарница 2.0» тәмамланды: өч көн, өч яшь төркеме, өч җиңү

  Уенны «ЮНАРМИЯ» хәрәкәтенең җирле бүлеге штабы, «Беренчеләр хәрәкәте», Мәктәптән тыш эшләр үзәге — «ЮНАРМИЯ» йорты, мәгариф идарәсе, яшьләр эшләре һәм спорт бүлеге, ДОСААФ оештырды. Ярышлар өч көн дәвам итте.
Беренче көн (31 март): «Здоровое поколение» лицее базасында 7–10 яшьлек иң нәни юнармеецлар көч сынашты. Укучылар иҗади («Отряд сәләме»), теоретик («Ватан тарихы», «Хәрби исемнәр») һәм спорт («Мина кыры», «Сазлык», «Үрмәкүч оясы» һ.б.) сынауларын уздылар.
Нәтиҗәләр:
1 урын — Олы Кабан мәктәбе
2 урын — «Здоровое поколение» күппрофильле лицее
3 урын — Г.Р. Державин исемендәге күппрофильле лицей
Икенче көн (7 апрель): Столбище мәктәбендә 11–13 яшьлек укучылар һәм 150 балага кадәр белем алучы мәктәп командалары катнашты. Алар Ватан тарихы буенча белемнәрен, чыдамлыкларын һәм ут ноктасындагы әзерлекләрен күрсәттеләр.
Урта яшь төркемендә нәтиҗәләр:
1 урын — Академик В.И. Андреев исемендәге Олы Кабан мәктәбе
2 урын — Советлар Союзы Герое А.П. Малышев исемендәге Столбище мәктәбе
3 урын — Советлар Союзы Герое Б.К. Кузнецов исемендәге Лаеш 2 нче мәктәбе
150 укучыга кадәр булган мәктәпләр арасында:
1 урын — Россия Герое М.Р. Әхмәтшин исемендәге Атабай мәктәбе
2 урын — Имәнкискә мәктәбе
3 урын — Урта Девятово мәктәбе
Өченче көн (8 апрель): Лаеш техник-икътисад техникумы базасында өлкән яшьтәге командалар ярышты.
Нәтиҗәләр:
1 урын — Лаеш техник-икътисад техникумы (ЛТЭТ)
2 урын — Академик В.И. Андреев исемендәге Олы Кабан мәктәбе
3 урын — Советлар Союзы Герое А.П. Малышев исемендәге Столбище мәктәбе
Өч яшь төркемендә җиңүчеләр зона этабында катнашачак. Егетләргә һәм кызларга алда да уңышлар һәм яңа җиңүләр телибез!