«Липки» лагеренда диңгез сменасы тәмамланды
Быелгы өченче җәйге смена — «Кама хәзинәләрен эзләгәндә» үз эшен төгәлләде.
Төп мәйданда флаг күтәрелгән, ә балалар отряд-экипажлар белән танышып, әле өйрәнелмәгән маршрутларның беренче карталарын алган көн кичә генә кебек иде.
Бу сәяхәт күз ачып йомганчы үтеп китте.Үсмерләр үзләрен чын хәзинә эзләүчеләр буларак күрсәттеләр. Балалар катлаулы серләрне чиштеләр, кызыклы квестлар уздылар, «орлёнок» түгәрәгендә җырлар җырладылар һәм, иң мөһиме, сменаның иң кыйммәтле хәзинәсен — гомерлеккә калачак чын, ныклы дуслык таптылар.
Смена рәсми рәвештә ябылды! Ләкин бу моңсулану өчен сәбәп түгел, чөнки алда якты истәлекләр, җылы елмаюлар һәм яңа юллар көтә. Нәкъ менә шулар Каманың чын хәзинәләре булып тора да инде!
Фото: «Липки» балалар сәламәтләндерү лагере
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев