Соңгы кыңгырау чыңлады

Кичә өч тугызынчы һәм бер унберенче сыйныф укучылары үзләренең яраткан мәктәпләре белән бәхилләшә. Бу егетләр һәм кызлар өчен уку еллары бик тиз үтеп китте, һәм менә алар инде зур тормыш бусагасында басып торалар. Т

издән имтиханнар тапшырасы булган балаларның күңелендә бер үк вакытта моңсулык та, шатлык хисләре дә ташып тора. Ә бүгенге иртәдә алар өлкәннәрдән котлаулар һәм үгет-насихәтләр кабул иттеләр.

— Мин сезнең барысы да барып чыгачагына ышанам. Имтиханнарны уңышлы тапшырып, илнең иң яхшы югары уку йортларына керерсез дип ышанам. Сезнең алда — бөтен тормыш. Үсешкә омтылыгыз, тормышта үз урыныгызны табыгыз. Укытучылар сезгә киләчәктә бик кирәк булачак зур белем һәм тәҗрибә бирделәр. Лицейда җиңүгә омтылган фикердәшләр командасы эшли. Ата-аналар комитетларының «Дус сыйныф серләре» республика конкурсында беренче урынны яулау — моның ачык дәлиле, — диде Ильдус Фатыйх улы.
Район башлыгы олимпиада һәм конкурс җиңүчеләренә бүләкләр тапшырды. Ул «Дус сыйныф серләре» конкурсында җиңеп чыккан 5 «В» сыйныфы укучыларын һәм ата-аналарын аерым билгеләп үтте. Сыйныф җитәкчесе Анастасия Кузьминага 100 мең сумлык сертификат тапшырылды.Лицей директоры Гөлнур Габдуллина чыгарылыш сыйныф укучыларына бәхет, иминлек һәм имтиханнарда уңышлар теләде. Ул барлык лицей укучыларының да бердәм рәвештә БДИ (ЕГЭ) һәм ДИА (ОГЭ) имтиханнарына кертелүен аерым ассызыклады.

Соңгы кыңгырау — ата-аналар өчен дә бик дулкынландыргыч көн. Аларның күпчелеге бүген шушы җаваплы һәм тулкынып торган мизгелдә улларына һәм кызларына терәк булу, аларның янәшәсендә булу өчен мәктәпкә килде.

— Моннан 11 ел элек сезне беренче дәрескә озатканыбызны бик яхшы хәтерлим. Менә хәзер сез биредә бөтенләй яңа статуста басып торасыз. Мәктәптә сезгә белемнең һәм булачак карьерагызның нигезе салынды. Сез бәхетле тормыш кора алырсыз һәм җәмгыятебезнең лаеклы гражданнары булырсыз дип ышанам, — дип мөрәҗәгать итте чыгарылыш сыйныф укучыларына ата-аналар исеменнән Анатолий Новиков.Соңгы кыңгырау һәрвакыт бик дулкынландыргыч һәм хис-тойгыларга бай вакыйга булып кала. Туган мәктәбең, яраткан укытучыларың һәм сыйныфташларың белән бәхилләшкәндә күз яшьләрен тыю бик кыен. Җылы ярдәм сүзләре, кайнар кочаклашулар, матур чәчәк бәйләмнәре һәм хушлашу вальсы — бу якты һәм игелекле мизгелләр күңелне дулкынландыра. Ә сыйныф җитәкчеләре һәм чыгарылыш укучылары бер-берсенә музыкаль бүләкләр тапшырганда — бу икеләтә соклангыч.

Мәктәп белән бәхилләшү бәйрәменең ахырында нәкъ менә шул соңгы кыңгырау чыңлады. Аны 11 сыйныф укучысы Вильдан Шәйхмәтов белән бергә беренче сыйныф укучысы Азалия Шигапова чыңлатты.