Татарстан мәктәп укучылары “Марафон Первых”та җиңсәләр, җәйге лагерьга бара алачак

Татарстан укучылары “Другое Дело” платформасы үткәргән 10 көнлек “Марафон Первых”та катнашып, җәйге лагерьга бару мөмкинлеген ота   алачак. Проект 5 апрельгә кадәр дәвам итә.

Монда Татарстанда күптән  оешкан “Беренчеләр хәрәкәте” клублары гына түгел, ә команда җыя алган, барлык  теләүче катнаша ала. Көн саен яңа биремнәр биреләчәк, аларны үтәгән өчен “Россия – мөмкинлекләр иле” Президент платформасы проектлары линиясенә кергән “Другое Дело” сервисында баллар исәпләнәчәк.

Иң күп балл җыйган сигез команда “Беренчеләр хәрәкәте”ннән уникаль мерч алачак, ә беренче өч урынны яулаучылар Татарстандагы җәйге лагерьга барачак.