«Тоталь диктант» халыкара агарту акциясе 5 апрельдә узачак

Татарстанда «Тоталь диктант» ны оештыручылар — ТР Рус милли-мәдәни берләшмәсе һәм республиканың «Мәдәният һәм диалог үзәге» Төбәк яшьләр иҗтимагый оешмасы — ТР Яшьләр министрлыгы, Татарстан Мәгариф һәм фән Министрлыгы һәм Татарстан Мәдәният министрлыгы ярдәмендә, «Казаноргсинтез» (СИБУР төркеменә керә) һәм Казанның беренче "БИМ-радио«радиостанциясе.

Чит ил студентлары өчен махсус оештырылган мәйданчыклар әзерләнгән, анда алар TruD тесты — диктантның гадиләштерелгән тексты һәм рус теле буенча тест язачак.

Диктантка теркәлү 26 мартта акциянең рәсми сайтында башланды. Шәхси кабинет аша «Мәйданчыклар» бүлегендә уңайлы мәйданчык сайлап яисә сылтама буенча теркәлергә мөмкин (биредә Татарстанның 45 районы һәм шәһәрендәге барлык мәйданчыклар да урнаштырылачак).

Диктантны китапханәләрдә, югары уку йортларында, мәдәни үзәкләрдә, музейларда һәм башка урыннарда язарга мөмкин булачак. Барлык теләүчеләр өчен 50дән артык мәйданчык ачык булачак.
Казан мәйданчыкларында танылган медиа шәхесләре: актерлар, җырчылар, блогерлар, җәмәгать эшлеклеләре, журналистлар һәм радио алып баручылар чыгыш ясаячак.

Диктант текстын язучы, сценарист, «Ясная Поляна» премиясе финалисты, Андерсенның халыкара мактаулы дипломы лауреаты, телевидение алып баручысы һәм журналист Марина Москвина язган. Ул команданың үз аудиториясенә тоталь диктантны интеллектуаль мавыктыргыч уен буларак тәкъдим итүе ошый, дип уртаклашты.