Беренче тапкыр беренче сыйныфка: Лаеш мәктәбендә 1 сентябрь
1 сентябрьдә Лаешның Советлар Союзы Герое Борис Кузнецов исемендәге 2нче мәктәбендә яңа уку елы башланды. Укучылар, укытучылар һәм ата-аналар тантаналы линейкага җыелдылар.
Өч беренче сыйныф, шуларның берсе татар телен тирәнтен өйрәнү белән, үз укучыларын каршы алды. Беренче шалтыратудан соң балалар матур итеп бизәлгән кабинетларга керделәр. Директор Зөлфия Газизуллина барысын да уку елы башлану белән котлады.
Бу көн беренче сыйныф укучылары өчен дәресләр, өй эшләре һәм яңа белемнәр белән тулы юлның башы булды. Яңа уку елында уңышлар телибез!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев