«Безнең ишегалды» программасы Лаешның йорт алды территорияләрен яңарта
«Сәйдәшев-Юбилейная» микрорайонында актив эшләр алып барылган бер ай эчендә бик күп нәрсә эшләргә ирешелде.
Сәйдәшев урамы, 16 нчы йорт; Громова урамы, 28 нче йорт; Юбилейная урамы, 77, 79, 81 нче йортлар янәшәсендәге территорияне яңарту нәкъ бер ай элек башланды.Иң элек эшчеләр иске бордюр ташларын һәм пандусларны алдылар, шулай ук шактый тузган асфальт катламы да сыдырып алынды. Ишегалды территориясенең бөтен периметры буенча бордюрлар яңаларына алыштырылды инде. Аларның урнашу рәвеше берничә яңа машина кую урыны пәйда булачагын күрсәтә.
Йортлар арасында яңа җәяүлеләр сукмаклары салынды һәм узган көнне аларны асфальтлап та өлгерделәр. Йорт подъездларына пандуслар куелды, алар физик мөмкинлекләре чикләнгән кешеләргә һәм балалар арбасы белән йөрүче ата-аналарга өйгә кайту юлын җиңеләйтәчәк. Территориядә урам утларының берничә яңа мачтасы урнаштырылды, алар якын арада челтәргә тоташтырылачак.Алдан әле — яңа балалар һәм спорт мәйданчыкларын төзекләндерү, шулай ук йортка керү юлларын асфальтлау көтелә.
Бу ишегалды территориясен төзекләндерү проектын 2026 елның өченче кварталында тәмамлау планлаштырыла.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев