Финанс куркынычсызлыгы буенча V Халыкара олимпиадага кушылыгыз: теркәлү 28 февральгә кадәр ачык
Татарстан халкын финанс куркынычсызлыгы буенча V Халыкара олимпиадада катнашырга чакыралар
«Бердәмлек» платформасында 8-11 сыйныф укучылары һәм студентлар өчен финанс куркынычсызлыгы буенча V Халыкара олимпиаданың чакыру этабы уза. Ул 28 февральгә кадәр дәвам итәчәк.
Чакыру этабы рус һәм инглиз телләрендә бар. Ул катнашучыларга олимпиада биремнәре форматы белән танышырга һәм төрле өлкәләрдә белемнәрен тикшерергә тәкъдим итә.
Укучыларга математика, информатика һәм җәмгыять белеме буенча, ә студентларга юриспруденция, гамәли математика, исәпләү техникасы һәм мәгълүмати куркынычсызлык буенча биремнәрне чишәргә туры киләчәк.
Биремнәрне уңышлы үтәгәннәр беренче дәрәҗә Олимпиадада катнашучы сертификатын алачак.
Катнашу өчен «Содружество» платформасында теркәлергә кирәк.
Финанс куркынычсызлыгы буенча халыкара олимпиада 2021 елдан башлап ел саен Россия Федерациясе Президенты Владимир Путин кушуы буенча үткәрелә һәм «Яшьләр һәм балалар» милли проекты кысаларында хуплана.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев