Лаеш ягы кунаклары саны арта бара
Бәлки салкынча һава торышы аркасында пляжда ял итүчеләр саны кимегәндер дә, әмма башка туристлык урыннарында экскурсантлар агымы кимеми.
Бу атнада Г.Р. Державин исемендәге Лаеш ягы музеенда Мәскәү, Түбән Новгород һәм Стәрлетамак туристлары булды. Кунаклар искиткеч экспонатлар белән бай экспозицияне, шулай ук экскурсоводның мавыктыргыч хикәяләрен билгеләп үттеләр, ул аларны безнең шәһәр һәм район тарихы эченә кертте.
«Ун минутка кердек — ярты сәгатькә калдык. Тарих һәм заманчалык белән сокландык», — туристлар бәяләмәләр китабында шундый фикер калдырды. Ә башка экскурсантлар мондый сүзләр белән үз фикерләрен белдерделәр: «Без зур тәэсир астында калдык. Техник яктан җиһазландырылган заманча музей. Аны булдыруга күпме хезмәт һәм мәхәббәт салынган! Интерактив экспонатлар безнең өчен чын ачыш булды»"
Фото: Г.Р. Державин исемендәге Лаеш ягы музее
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев