Лаеш районында балачакның иң яхшы сакчыларын сайладылар

Һәр балалар бакчасы үзенчәлекле визит карточкасы әзерләгән иде. Анда педагоглар, балалар һәм ата-аналар чын дуслык, үзара ярдәмләшү һәм шатлык серләре белән уртаклаштылар. Сәхнә балалар көлүе, ихлас елмаюлар һәм күңелләрне тетрәндергеч мизгелләр белән тулды.
Конкурсның икенче этабы — «сорау-җавап» интеллектуаль дуэле аеруча кызыклы узды. Ата-аналар командаларга балаларны тәрбияләү, үстерү һәм буш вакытларын оештыру турында катлаулы сораулар бирделәр. Бу гаилә белән педагогларның бергә эшләве никадәр мөһим икәнен тагын бер кат исбатлады.

Конкурс нәтиҗәләре буенча балачакның иң яхшы сакчылары дигән исемгә һәм җиңүче дипломнарына лаек булдылар:
«Кояшкай» балалар бакчасы (25 октябрь исемендәге совхоз бистәсе);
Габишевоның «Бакча гөл» (Одуванчик) балалар бакчасы.
Барлык катнашучыларны да чын күңелдән котлыйбыз! Лаеш районының һәр балалар бакчасында һәрвакыт җылылык, уңайлылык һәм дуслык хөкем сөрсен, андагы балачак бәхетле һәм кайгысыз булсын!